Атырдьах ыйа -
оҕо саас үөрүүтэ.

Ходуһам хойуу нүөл отун
Силирдэтэн сиккиэр сүүрбэт.
Бэл күөл дуйдаах урсунун
Чаччыгырда түүрбэт.
Моисей Ефимов

Оҕолорго, төрөппүттэргэ сайын туһунан
виртуальнай быыстапка.

Атырдьах ыйа, аата этэрин курдук, бу ыйга сүнньүнэн от кээһэллэр. Сайыҥҥы куйаас мөлтүүр, түүнүн лаппа сөрүүкүүр. Ылдьыын, Ыспааһаптар ардахтарын кэнниттэн күн соччо күүскэ сырайбат, түүнүн хаһыҥ түспэтэҕин да иһин, биллэрдик тымныйар. Быһата, ый иккис аҥаарыттан күһүн тыына биллэн барар.
Сайыҥҥы сынньалаҥ кэннэ, оҕолор уһуйааннарыгар, оскуолаларыгар бэлэмнэнэллэр. Самаан сайыны хайдах атаарбыттарын, тугу билбиттэрин-көрбүттэрин кэпсэтэллэр.
Атырдьах ыйыгар араас сир аһын үргүүллэр, итии куйаастар бүтэннэр айылҕаны кытта алтыһыы күүһүрэр.

Айыл.

Отонноох оҥоойугум.

Кинигэҕэ Саха сиригэр үүнэр айылҕа быйаҥа – сир аһа – хоһоон тылыгар хоһуллар.
Суруйааччы ханнык үүнээйи бастаан хомулларын сырдатар, туохха туһалааҕын ыйар. Олус туһалаах, элбэххэ үөрэтэр кинигэ.

Тулалыыр эйгэм кэрэтэ.

Кылгас сайыннаах, аҕыс ыйдаах аргыардаах тымныылаах, ирбэт тоҥ буордаах, тыйыс, ол эрэн дьикти кэрэ айыл5алаах, күндү түүлээҕинэн аатырбыт - Сахабыт сирин туһунан хоһооннор.

Сиэн Кынат.
Дьикти мин тулам.

Төрөппүт оҕотугар суруйааччы хоһооннорун нөҥүө тулалыыр айылҕаҕа тапталы уһугуннарыаҕа. Оҕо күн аайы көрөнр тыыннаах хартыыната хоһоон тылларыгар тиһиллибитин сэҥээрэ истиэҕэ. Дьэрэкээн ойуулар тулалыыр кэрэни сыаналыырга иитэр-үөрэтэр аналлаахтар.

Туутук.
Оҕо саас мичээрэ.

Кинигэҕэ самаан сайын кэрэ айылҕата, ыһыах көстүүлэрэ хоһоон тылынан ойууланар. Оскуолаҕа киириэн иннинээҕи саастаах оҕолорго ананар.

Семен Данилов.
Дьэдьэн саҕа дьиэ.

Норуодунай бэйиэт Семен Данилов тулалыыр айылҕабыт, кыыл-сүөл, дьоллоох оҕо саас туһунан дьэрэкээн ойуулаах истиҥ хоһоонноро оҕо болҕомтотун тардыахтара. Төрөппүттэр хоһооннору уһуйаан саастаах оҕолорго ааҕаннар, алын кылаас оҕолоро өйтөн үөрэтэн, төрөөбүт тылларын эриэккэс баайын арыйан, тылларын-өстөрүн сайыннарыахтара.

Самаан сайыны санатар айымньылар.

Сиэн Чолбодук.
Тоҕус отон.

Орто уонна улахан саастаах оскуола оҕолоругар анаммыт кинигэҕэ уһук хотугу дойду, киин сир дьонун урукку уонна билиҥҥи олохторо-дьаһахтара ойууланар. Ааптар оҕолору айылҕаҕа сылдьыы сиэрин-туомун тутуһарга, тулалыыр эйгэни харыс-тыырга, таптыырга үөрэтэр. «Адаҕалаах ат», «Сугуннуур эһэтэ» диэн кэпсээннэргэ суруйааччы кыылы-сүөлү киһититэн көрдөрөр.

Бурнашева Ульяна.
Кустук өҥнөөх кулунчук.

Оҕо уһуйааннарын иитиллэччилэригэр уонна алын сүһүөх кылаас үөрэнээччилэригэр аналлаах олоҥхо.

Данил Макеев.
Саанчык сайыҥҥы быһылааннара.

Кинигэҕэ тугу барытын билиэн-көрүөн баҕалаах Саанчык уол сайыҥҥы сынньалаҥ кэмигэр араас быһылааннарга түбэһэр, ол эрээри кини бу сайыны бэрт көдьүүстээхтик атаарар. Кэпсээннэргэ ааптар оҕо уйулҕатын хоһуйуулара бэркэ табыллыбыттар. Орто саастаах оскуола оҕотугар ананар.

Адрес

677000, г. Якутск, 203 мкр., ул. Ларионова, д. 12 А

Контакты

Email: cbu@cbsykt.ru
Телефон: +7 (4112) 31-85-80

Атырдьах ыйа - оҕо саас үөрүүтэ.

Ходуһам хойуу нүөл отун Силирдэтэн сиккиэр сүүрбэт. Бэл күөл дуйдаах урсунун Чаччыгырда түүрбэт. Моисей Ефимов

Чоргуй, чобуо куоласкынан!

Кэчиимэ. Эрбэхчэй бэргэннэр.

Ангелина Захарова. Үчүгэйиин!